Education (Māori)

Ko tā mātou rārangi whakaaturanga mā ngā kura me ngā ākonga e whai ana kia toro atu ki ngā tamariki me ngā ākonga pakeke anō huri i te motu, mā konei e wātea ai te ao toi ki a rātou, mā konei anō e poipoia ai te hiahia ki te ako, ki te whakamiha, ki te whai wāhi atu anō hoki.

Ka āhei tō tāpui tūranga ki ngā whakaaturanga motuhake hei ngā ahiahi mā ngā kura, ki ngā whakaaturanga tūmatanui anō (otirā, kua whakaritea he tūranga mō ngā kura) mā te toro hāngai mai ki a mātou.

Haria mai ō ākonga ki te hui ahurei i ētahi tīkiti utu kore ki ētahi whakaaturanga kua āta tohua!

👉 E hiahia mai ana? Tāpuitia ō tīkiti ināianei

He Tīkiti ā-Rōpū Utu Kore mā ngā Kura

Belle - A Performance of Air
Kiri Te Kanawa Theatre, Aotea Centre

Lula Washington Dance Theatre - 45 years of Creativity & Innovation
Kiri Te Kanawa Theatre, Aotea Centre

Scottish Ballet - A Streetcar Named Desire
Kiri Te Kanawa Theatre, Aotea Centre
*ASND educational resources available on request

Cirque Alfonse - Animal
Q Theatre Rangatira

HEDY! The Life & Inventions of Hedy Lamarr
Q Theatre Rangatira

Personal
Q Theatre Rangatira

School ticket pricing available

SIX the Musical
The Civic

ration the Queen's veges
Te Pou Theatre

a mixtape for maladies
ASB Waterfront Theatre

E hiahia ana ki te whai wāhi mai ki tētahi kaupapa whakahihiko? Ko te Hōtaka Pia mō ngā Akonga o AAF hei tomokanga mōu ki te taha hāpai ō o tētahi o ngā hui ahurei whakahirahira katoa o Aotearoa. Hei pia ākonga, ka tū koe hei māngai mō tō kura me tō hapori, ka āwhina ai i te whakatairangatia o te hui ahurei, nōu ka whai wāhi motuhake mai ai ki ngā nekeneke o muri.

Mā te whai wāhi mai ka aha? Ka tū koe hei māngai mō tō kura, ka whanake ō pūkenga ārahi, ka whai wheako ki ngā nekehanga o te hui ahurei, ka hua ētahi āhuatanga ka titia ki te pae o mahara!

He ākonga kura tuarua koe e kaingākau ana ki te ao toi, e kaha ana hoki ki te whakairo i te kupu? Ko te Hōtaka Kaiarohaehae Rangatahi o Te Ahurei Toi o Tāmaki hei ara e kounga ake ai ō pūkenga tuhituhi, e tūtaki ai koe ki ētahi ringa ngaio nō te ao tuhi, otirā, e rangona anō ai tō reo.

Kia whai wāhi motuhake mai ki ngā whakahaere o muri, e rangona ai e koe te mīharo o te hui Ahurei! Mā te kaupapa, Kia whai wāhi te kaiako, e whai wāhi ai te hunga kaiako ki te whakaharatau hangarau, otirā, ki te wānanga tahi ki te Ringatohu Toi o te hui Ahurei, ki a Bernie Haldene rāua ko te Kaihautū Māori, ko Ataahua Papa mō tēnei mea, mō te tukanga auaha. He ara motuhake tēnei e hōhonu ake ai tō whai hononga ki te ao toi, otirā, e whai ara hou ai koe ki te whakakipakipa i ō ākonga.

Piri mai ki te Hīkoi Toi whakahihiko hei wāhi nō te Rā mō ngā Whānau ki te hui Ahurei! Ko ngā mahinga toi nā te hunga ākonga e hāngai ana ki te kaupapa, "Ko te hanga o tōku reo, he pēnei...", ka whakaaturia ki tētahi ara e ahu atu ana ki te papa o Aotea. He haere auaha tēnei e whakanui ana i ngā ringatoi tamariki me ō rātou tirohanga motuhake, me te aha, mā konei mumura ake ai ō wheako i te hui ahurei!