Maya Piata

He mea whakaawe tana momo puoro nā ōna kāwai heke New Orleans Creole, nā tōna whakapapa Ngāti Tūwharetoa, me ōna tūāpapa ki Amerika, Mangumangu mai, Iwi Taketake mai anō, mā Maya Piata te whakaminenga e whakamīharo ki tōna ngangahau me tōna wana, he momo me uaua ka rangona i tangata kē. Ki te Ahurei ka waiatahia e ia ētahi waiata nāna tonu i tito, me ētahi anō e rongonui pai ana, hei tuatahitanga māna ki Aotearoa. He pānga nui tō tana ohinga i ‘The Big Easy’ me te momo puoro mataora whakaihiihi o reira ki tana ao waiata mohoa noa nei, ā, e kaikā pai ana mātou kia rangona taua wairua hihiri me taua wana e Tāmaki Makaurau.

Āpiti atu ki ngā whakaaturanga ki te Spiegeltent ki Aotea Te Papa Tū Wātea, e āmio ana ēnei kaiwhakatangi puoro me te kaupapa reo taketake ki ētehi atu wāhi ki te rohe whānui o Tāmaki Makaurau. Tirohia ngā whakamahuki o te whakaaturanga e pātata ana ki tō kāinga.Haere mai, maharatia te wā motuhake, ā, kia pārekareka te noho i te puoro tūturu, ngangahau hoki.