Te Hōtaka Ako Auaha: Te Pukauru Hui Ahurei (Mō te hunga 3-12 tau te pakeke)
Tirohanga Whānui
Kua whakaritea te Pukauru Hui Ahurei hei rauemi whakapaipai ake i te whai wāhitanga atu, i ngā akoranga anō o ngā ākonga e 3-12 tau te pakeke, i Te Ahurei Toi o Tāmaki. He ara pāhekoheko tēnei e tūhurahura ai te ākonga i ngā momo toi, i te ahurea, i te auahatanga anō, ka mutu, ka hāngai ngā mahi ki te marautanga o Aotearoa mō ngā kura tuatahi. Ko tā tēnei kaupapa he whētui i ngā ngohe pārekareka, tuku mātauranga anō, e āki ana i te aroā ā-ahurea, te whakapuakitanga ā-toi me te whai akoranga e hāngai ana ki te marautanga.
Ngā Ngohe Pukauru me te Hāngai ki te Taha Mātauranga
Kei roto i te Pukauru Hui Ahurei ētahi ngohe kua whakahāngaitia ki te pakeke o te ākonga, mā konei whai wāhi mai ai ngā ākonga e ai anō hoki ki te marautanga kura tuatahi o Aotearoa. Mā ngā kaiārahi o te hui ahurei e tuku he tohu tā ki ngā ākonga ka tutuki ana ngā ngohe. E kapi ana i ēnei ngohe ngā marau matua pēnei me ngā Toi, ngā Reo, ngā Tikanga ā-Iwi me te Pāngarau.
Te Whakatutuki me ngā Mea Whakapoapoa
Ka tutuki pai ana ngā ngohe i te pukauru, ka riro i te ākonga he tohu tā me ētahi pūmahara motuhake. Mā te whakatutuki pai i te katoa o ngā ngohe i te pukauru e wātea ai tētahi kohinga taonga hui Ahurei.
Ngā Painga Matua
He Aronga Mātauranga: Ka hāngai te pukauru ki te marautanga o Aotearoa mō ngā kura tuatahi, me te aha, ka hua ētahi wheako ako motuhake, mā konei e mārama ake ai te ākonga ki te ahurea, ki te toi, ki te reo anō hoki.
Te Kauawhitanga me te Kanorautanga: Mā te kaupapa toi, 'Ko te hanga o tōku reo, he pēnei...,' ka ākina te ākonga kia ruku hōhonutia tōna anō tuakiri ahurea, ka whai koha anō ai ki ahurea kē.
Kia Pā Tonu te Ringa: Nā runga i te āhua pāhekoheko o te pukauru, ka ākina te ākonga kia whai wāhi pū atu ki te kaupapa, me te aha, mā ngā ngohe o roto e aro hāngai atu ai te ākonga ki ngā whakaaturanga me ngā mahinga toi.
Ka takoto i te Pukauru Hui Ahurei tētahi ara whai tikanga, mā konei ka haere ngātahi ngā akoranga toi me te whai wheako ringapā, ka whakanuia te kanorautanga ā-ahurea, ka mutu, ka whakapaingia te āhua e ako ai te ākonga. Mā te poipoi i te wairua kauawhi me te auahatanga, ka whakapakari tēnei hōtaka i ngā hononga i waenga i te tamariki me te ao toi.